Rreth nesh

Rrjeti - Arsimi dhe Edukimi i të Rriturve në Kosovë (ALE NK) është një rrjet i krijuar bazuar në Strategjinë e Arsimit 2022-2026, dhe në politika tjera ekzistuese në Republikën e Kosovës në të cilat parashihet avancimi i Arsimit për të Rritur (ARr) dhe Mësimit Gjatë Gjithë Jetës (MGJGJ) si dhe rritja e bashkëpunimit në mes të organizatave të ndryshme shtetërore dhe jo shtetërore në Kosovë, siç janë ministritë dhe agjencitë përkatëse që merren me zhvillimin e arsimit dhe edukimit të të rinjëve dhe të rriturve (Ministria e Arsimit, Shkencës, Teknologjisë dhe Inovacionit - MASHTI, Ministria e Kulturës Rinisë dhe Sportit - MKRS, Agjencia e Arsimit dhe Aftësimit Profesional dhe Arsimit për të Rritur - AAAPARr, Agjencia e Punësimit në Republikën e Kosovës – APRK, Instituti pedagogjik i Kosovës - IPK dhe organizata të ndryshme jo shtetërore të cilat në fokus të veçantë kanë arsimimin dhe edukimin e të rinjëve dhe të rriturve në Republikën e Kosovës siç janë; DVV International, OJQ - KEC, OJQ - KVRL Peja, OJQ - THY, OJQ - Hareja, ECK (Kolegji Europian i Kosoves) etj. Vizioni i Rrjetit ALE NK është të krijojë mundësi të arsimit dhe edukimit fleksibil, gjithpërfshirës dhe të barabartë për të rriturit e të gjitha moshave dhe grupeve, duke promovuar zhvillimin e aftësive dhe fuqizimin e individëve përmes një bashkëpunimi të ngushtë ndërmjet akterëve shtetërorë dhe jo-shtetërorë, për t'iu përgjigjur nevojave të ndryshueshme shoqërore dhe ekonomike në Republikën e Kosovës.